一個嘟，一個藐，齊齊背對背；口裏說不，身體卻很誠實！特首梁振英一直堅持問責團隊好齊心，講到個個冇離心，但似乎只係佢夾硬表現到咁有自信心，皆因唔少人根本唔會同佢交心。盛傳同CY喺不同政策都意見不合嘅財爺曾俊華，肯肯定非屬CY嘅超然陣營，由本土論述同高調撐香港人，擺明同CY唔啱嘴形，難怪不時貌合神離。而呢兩位盛傳不和嘅下屆特首熱門，噚晚出席香港中資銀行協會成立典禮時，就各自以身體語言說明：空穴來風，豈會無因？