大家對睇波嘅心，真係可以用無所不用其極來形容！有人會用付費電視，但亦有人偷雞上網非法睇波；不過近來又有新「偷睇」方案，就係用Facebook Live！
如果論放片上網的原理，好多人第一觀感，可能覺得同以往「網上非法睇波」差唔多，因為遲緩時間都是成分鐘；不過據一些「非法用家」表示，因為Facebook Live功能，實在做得太完美了，在睇波的整個過程中，從未出現「疾機」或「畫面定格」的情況，同以往在非法網站睇波感覺好唔同，極有可能成為新一代非法睇波神器！
球迷另一關注點，當然是球賽內容；記者在6月26日晚至6月27日早上，就先後睇勻了歐國盃及美洲盃兩大賽事，而且畫面還不似是攝錄機「翻拍」電視的畫面，更似是將賽事畫面直接輸出至Facebook Live畫面之上！
其實Facebook類似的非法或侵權影像問題，在近年可說頗嚴重；例如早年開始興起，將整部、整部的電影，放在Facebook帖子位置，變相成為「非法網上盒子」，及今次網上直播歐國盃及美洲盃賽事，Facebook方面絕對有須要正視這方面問題了。
記者：朱崇德
