英格蘭嘅球迷有福喇！話說27歲嘅英國重量級拳王富利周日着住「三獅軍團」嘅波衫去到法國尼斯後，即刻俾一大堆英軍球迷認出；富利亦決定同啲同胞一齊狂歡，仲使咗1,000歐元（約8,570港元）請佢哋飲酒，所有人都又唱歌又跳舞咁，場面都好熱鬧㗎！呢位「三獅軍團」嘅重量級粉絲事後喺Twitter上載張相，佢仲話：「呢200杯『深水炸彈』，係我對啲粉絲嘅愛！」