冰島一創再創歷史，首次打入決賽周後，再喺分組賽煞科戰94分鐘以2:1絕殺奧地利，打開勝利之門兼晉級，難怪當時喺現場講波嘅冰島評述員賓尼迪臣high到嗌爆咪，呢一嗌更令佢一夜成名；不過成名之後就收到「大信封」，因為講波只係佢嘅副業，正職係喺冰島頂級聯賽球隊雷克雅維克做助教，因為隊波戰績差，日前成個教練團隊都俾球會辭退。