【本報訊】梁振英任內行政立法關係跌至冰點，不但霸王硬上弓將未成熟或有爭議法案硬闖立法會，又將泛民與政府關係視作敵我矛盾，令泛民以拉布抗衡，建制為政府「死頂」之時反遭「梁粉」批評「各自搞搞震」。泛民及建制議員均指行政、立法關係弄致如此局面，梁振英絕對是罪魁禍首。
今屆政府令行政立法關係惡化，從立會流會次數可見端倪。上屆立法會四年任期共4次流會，而本屆任期未完，已流會17次，當中10次是在本立法年度發生，可見梁任內行政立法關係越趨變差。
梁君彥：低處未算低
自由黨主席鍾國斌認為，梁振英強硬作風是行政立法關係惡化主要原因，「建制派亦好多私下怨言，有辱無榮，我哋成日講政府有啲政策可以讓少少，但佢唔讓，製造咗個炸彈喺建制派手上爆。」鍾以免費電視發牌為例，「個煲爆咗喺（支持條例）馬逢國議員手上，搞到業界登報叫佢辭職。」鍾又指梁振英有些「相對小器」的舉動，如要求主要官員杯葛民主黨及自由黨黨慶，最終誰人失分，自有公論。
多次在立法會拉布的人民力量陳偉業直言，破壞行政立法關係責任不在拉布議員，稱任議員逾20年，從未見過行政立法關係如今天般惡劣，梁令人難以理解的處事方式是問題核心，「佢永遠要插隻手埋嚟破壞，佢有種要毀滅嘅傾向」。
立法會內會主席梁君彥接受訪問時形容，行政立法關係「低處未算低」，認為這一屆會期令行政立法關係徹底破壞，「佔中去到政改（否決），差唔多係你死我活」，他指政治是妥協的藝術，「我哋都會勸政府讓吓，但讓完之後好多人唔領情，有時再叫佢讓，政府會話讓咗都冇好後果。」但他不認同梁強硬作風是導致行政立法關係惡化的元凶，「如果呢任特首好圓滑嘅，你估得到嘅結果會唔會完全唔同？我睇未必。」
去年7月特首答問大會上，梁振英曾指行政立法關係「並非個人問題，更唔係我本人嘅問題」。本報近日查詢梁對行政立法關係的看法，特首辦回覆，特首一向重視行政立法關係，積極創造機會與立法會各黨派議員以理性務實的態度溝通。
■記者陳雪玲