普通人做基金都係想賺錢，估唔到復星（656）老闆郭廣昌私人有個基金，投資理念係圍繞富足、健康同快樂。投資落去能夠令到自己富足嘅項目，好易明白，健康都可以諗到，但有乜項目可以帶來快樂呢？唔通賺到錢就等於快樂？還是佢講緊投資迪迪尼？復星噚日宣佈，以5.82億人仔，買入創泓基金35.21%，郭廣昌係創泓基金嘅大股東。呢個基金以富足、健康、快樂為投資理念，已投資產業有工業4.0、環保、食品、健康等，包括兩間已上市企業、兩間新三板，仲有另外七間公司，但過去兩年都蝕錢，似乎暫時未達到富足呢個要求。