立法會選舉9月開打，各大門派已就位。之前喺立法會新界東補選勝出嘅公民黨楊岳橋（Alvin），個個都以為佢坐定笠六，佢坦言聽到就怕怕，形容𠵱家戰況係「人人有機會，個個冇把握」，更慘係有選民以為公民黨今年喺新東出兩張名單喎！
下，點解街坊會有咁嘅誤會？原來因為新民黨今年喺新東派出大律師容海恩上陣，Alvin笑言，唔少人見容海恩係大狀就誤以為係佢黨友，所以佢都要急急澄清公民黨新東只有佢一張名單。
譚文豪改飛短途備戰
而喺九東呢，都係一張名單，就係由民航機師譚文豪Jeremy領軍嗰張，Jeremy噚日同岳少一齊同傳媒茶敍，透露為咗備戰，已減少飛來飛去，主要飛短途，就算早上飛咗，晚上都返到香港，仲可以落區。