1975年加入政府，2003年因為《基本法》23條立法問題辭官嘅新民黨主席葉劉淑儀，一直畀人好強悍感覺，似乎乜都唔怕，但原來佢初出茅廬之際，都好似一般少女咁有啲怯懦。
葉太接受商台節目《雲常開》訪問時自爆，最初加入政府，擔任紀律事務一職。做啲乜？原來係要負責「開除」其他人，佢憶述當年自己太忙以及經常做錯嘢，而且仲俾時任上司麥高樂鬧㖭，短短3個月已想辭職。
被評不成熟社交差
之後又點解留低？佢話反省過明白，無理由遇到少少挫折就放棄，亦理解突然辭職對上司極不尊重。但佢嘅file，就因此曾被上司評為immature（不成熟）同socially awkward（不擅社交）。睇佢之後官運亨通，相信呢件小事無乜影響。