白只以往演開舞台劇，憑住上年同城城一套《踏血尋梅》連奪幾個演員大獎瞬間多咗人注意，可能佢太過投入演藝生活，幾年嚟都冇乜感情生活。
白只 春夏
佢仲試過喺頒獎禮後台訪問公開同對手春夏示愛話：「我好直接講我愛你，我對春夏有愛意，冇春夏冇我。」做人夠晒直腸士肚。可惜春夏即刻派好人卡，話自己有男朋友，同白只淨係得兄弟情。
顏卓靈 錢行
顏卓靈都係差唔多，13年佢套《狂舞派》上映，仲獲提名做金像獎「最佳女主角」，即刻被人起底揭發戀情。當時有雜誌報道指顏卓靈同組合Chips成員錢行（Walker）拍咗拖兩年，男方會不時上顏卓靈屋企過半同居生活。
顏卓靈嘅戀情已經係3年前嘅事，今次佢同白只又拖手又啜啜咁，斷估白只唔會又收好人卡嘅！