【本報訊】迷你倉四級火燒5日始撲熄，香港消防處職工總會主席聶元風指，肇事火場有多個樓梯口和200多個迷你倉，增加滅火難度，坦言調派過程不順暢；他為消防處長黎文軒被指在傳媒面前痛哭是「假眼淚」之說平反，稱有關言論對黎不公平，提及當晚黎在醫院不斷跟許志傑說：「撐住啊！兄弟。」
工會稱處長真流淚
消防處職工總會今天將首次就事件開會，檢討有關消防員裝備、後勤緊急救援情況等，稍後會與管理層開會。聶元風昨出席港台節目《城市論壇》後指，以往前線進入火場時，熱力從上方及前方湧出，「但今次係四面八方，好似入咗多士爐入面」，形容「係同外星人打仗」。
據悉，有參與拯救迷你倉大火的前線消防人員反映，現場通訊經常「塞車」，導致調派不暢順，「今次派煙帽隊嘅人數比以往多，加上有成二百幾三百個消防員出動，通訊經常jam線」。
聶並為黎文軒被指流「假眼淚」平反，提及許志傑殉職當晚黎在現場，之後奔往醫院，「佢不斷同許Sir講：『撐住啊！兄弟』」。
聶強調，黎非空降做管理層，「係同我哋出生入死之下坐上呢個位，佢冇顧住涼冷氣唔理兄弟，絕對不會要同袍送死」。他又指張耀升不幸殉職後，黎隨即下令進火場的煙帽隊人員逗留時間減半，「佢唔明點解做咗咁多嘢後都仲有人殉職，好難接受」。
■記者張文鈴、謝明明