VR眼鏡都可以話人手一部，平者一百幾十就買到一個！我知大家都可能手底下有一、兩個傍身，不過今次呢部好吸引，因為佢係一部摺得埋的！
機身名稱是VR CASE，剛殺抵腦場，當佢摺起來時，你只會覺得佢係一個手機套；不過實質佢亦係一款機套，而且分別有4.7吋及5.5吋兩個版本，分別對應iPhone 6s及6s Plus。
機身有上鎖機關及彈弓設計，只要一打開來，佢就成為一個VR眼鏡。不過由於VR眼鏡為了做得更輕便，所以採用了穿窿設計，所以如果要在較光環境下使用，會出現漏光的情況。不過當然話分兩頭，你話如果一個人出外工幹或旅行，夜晚熄晒燈有佢陪你睇戲，都幾爽。最重要是價錢唔貴，兩款尺寸都是$58，普通一個手機套，都要呢個價位。
查詢：展昇（深水埗黃金商場地面42至44號舖）
記者、攝影：朱崇德
