SAMSUNG Gear 360水貨到咗香港，同行貨差不多前後腳出貨；行貨是6月24日開賣，但水貨就再早上幾日時間！
買行？買水？其實首先要看價位，行貨價開報$2,998，水貨就平少少$2,680；不過當然考慮點還有保養問題，原廠保養與水貨7日內包換，都係大家出機前的考慮點。
不過水貨店由於較早有實機到手，當然做足不少測試！首先是影片對應方面，感覺比Kodak或LG所出的360，在YouTube對應上較簡單直接；另外，依據Gear 360的原廠設定，只可對應S6、S6 Edge、S6 Edge+、Note 5、S7及S7 Edge幾部手機，不過水貨店在測試時發現，原來只要抄出apk檔案，就連G5都竟然輕鬆對應，問泡菜屋店長：「測試中發現，只要是行Android 6.0或以上的手機都冇大部分問題；不過其中亦試過對應G4（Android 6.0），可能硬件規格有點低的原因，令它與Gear 360對應時，出現了連接上的問題，所以如果非SAMSUNG用家想玩佢，買機前真係要試清楚。」
查詢：泡菜屋（深水埗桂林街141A高登電腦廣場新翼1樓33號）
記者、攝影：朱崇德
