施治鍾意打網球就係人都知，雖然捷克喺歐國盃決賽周分組賽以一和兩負嘅劣績出局，不過呢位34歲嘅門將嘅心情似乎並冇受到影響，佢最近仲返到英國，勁開心咁去睇同胞史達彭尼備戰溫網㖭！其實施治以前效力車路士嗰陣，都不時會出現喺溫網賽場，為現時37歲、世界排名第121嘅史達彭尼打氣；當佢喺上周六着到全身白色咁去睇啲球員練波嘅時候，唔知有冇技癢想落場打番兩板呢？