世界重量級拳壇自從泰臣嗰代之後，近年都幾悶，就算先後有傑素高同富利等拳王出現，都好似爭少少，所以唔少拳迷都寄望26歲嘅英國拳手祖舒亞(右)（Anthony Joshua）可以打破呢個局面。祖舒亞啱啱喺上周六IBF（國際拳擊聯會）重量級拳王衞冕戰，打到第七回合擊倒美國嘅比素(左)衞冕金腰帶，仲將轉打職業賽以嚟嘅戰果改寫至17勝0負，而且全部勝仗都係擊倒或者技術性擊倒對手㖭！