【本報訊】地產代理做到一單勁刁，隨時退休，故吸引不少人入行。現年22歲的朱健威（Marcus），中六畢業後，不理家人希望他繼續升學，覺得做地產代理有前途，19歲第一件事就是考牌入行，第一次肥佬，第二次合格，加入利嘉閣由「𡃁仔」做起，20歲時月入近6萬元，兩年做經理。
入行初期，Marcus靠每月大約5,000元底薪過活，「係難捱，入行乜都唔識，只夠搭車食飯，乜都唔做，唔約朋友睇戲，冇娛樂生活，全程工作，月尾可能辛苦少少，一日三餐變兩餐。」
他的第一張單是屯門翠濤居車位。「除了喺舖頭狂打電話call客，夜晚亦要去現場派傳單，開售前一日，撈到個路過姐姐，幫我買咗兩個」。兩單車位不是甚麼大刁，拆佣後落袋只有數千元，但錢只是其次，最重要令他明白到「原來呢行咁難搵錢」。