練馬師沈集成呢日好積極，企定定喺馬房閘口，等五匹周日(26日)沙田戰馬操回來，逐一仔細看清楚，然後跟隨牠們返倉，再作檢查，非常認真，可見今戰一定將有行動，必有所圖。
其中最值得留意，應是蔣嘉琦一對馬。第5場四班2000米草地之「紅白」，此駒近三戰獲兩勝，落第一役是上仗1600米路短兼大外檔太差，不能作準。今仗回跑2000米，此程歷來4戰得2冠1亞1殿，最為正宗，加上用蔣嘉琦減7磅，更加不可輕視。
仲有第8場三班1200米草地之「按得澄」，熱身三仗後還加強操練，復課試過一課大閘才再戰，同樣轉用嘉琦上陣，上月同程1200米曾經跑得接近得第五，嗰場季軍馬「威力川」最近獲勝已加至88分，「按得澄」家陣只不過64分，負110磅梗係有機會啦！