【本報訊】淘大時昌迷你倉大火，租戶物品付諸一炬。有租戶成立苦主大聯盟向時昌追討損失，部份苦主已預繳12,000元租金，最近向時昌表示欲取回，對方要求苦主簽署文件放棄追討損失權利。
租用迷你倉約5年的王小姐（化名）稱，今次大火損失30至40萬元貨物，時昌只答允簽了租約的用戶暫免7月份租金，但若租戶現時決定退租，就須簽署文件承諾日後不會追討任何損失。王小姐批評時昌的做法不合理，「𠵱家時昌提供唔到服務，退租又要承諾唔追討，好唔合理」。
王小姐約5年前開始租用淘大時昌3樓一個建築面積約50呎的迷你倉，租金由最初每月約900多元，升至最近約1,300元，其迷你倉主要擺放網店的化妝品及手辦公仔模型等。大火發生後「乜嘢都燒晒」，初步估計損失30至40萬元。
最令她不滿是，大火發生後時昌雖三度聯絡部份租戶，卻無明確交代租金、賠償等安排。時昌只向租戶表明暫時毋須繳付7月租金，「但冇講明之後使唔使畀」。
她又透露，租戶租用迷你倉時須預繳1個月至1年租金不等，若租戶在大火後欲取回預繳金，「時昌話可以退租，但就要我哋簽一份文件，承諾唔會再追討任何損失」。王小姐斥時昌做法不合理，「𠵱家係你（時昌）提供唔到服務，退租又要（租戶）承諾唔追討！」
200租戶向胡志偉求助
約200名時昌租戶聯絡民主黨立法會議員胡志偉，要求與時昌管理層交涉。胡稱，現時兵荒馬亂，首要任務是「大家走埋一齊」，「先想辦法同時昌聯絡，但現階段未有任何回覆，我聽啲租客講，佢哋各人有不同訴求，最基本係好多人都有預繳租金，𠵱家佢未能履行合約，時昌應該正視番客人關係，聯絡番個客人」。
■記者譚靜雯