最近有印度女生在網上教學，用乳霜、檀香粉、薑黃粉、咖啡糖（raw sugar）及檸檬等天然材料敷上皮膚，便有美白之效，效果更立即顯現。咁神奇，當然即刻要試一試！
記者照足步驟做，但效果未如印度女孩般明顯和即時見效，究竟呢個古法嘅原理係點？註冊中醫師楊明霞話，白檀香的確有美白作用，但最好先在耳後皮膚測試，試完第一次三分鐘後再試第二次，真的沒有敏感才用在面上。薑黃則有一定刺激性，內服的話有破血行氣、通經止痛作用，外用的話，主要透過活血作用令血液回流作美白，薑黃放在角質層上會染色，搽上去未必即時有美白作用。
咁究竟試好定唔試好？皮膚科醫生林嘉雯就話，薑黃粉及檀香粉美白缺乏足夠科學實證支持，而且有機會對皮膚造成刺激敏感，唔建議使用。其實美白最重要是預防，「使用有效的美白成分例如維他命C衍生物、果酸或麴酸的護膚品都可以。」
記者：黃樂雯