瑞典喺今屆歐國盃分組賽包尾出局，前鋒伊巴謙莫域（圖）嘅國家隊生涯亦告一段落。日前伊巴亦喺佢社交網站度，發文向瑞典國家隊球迷告別，依然係一貫咁霸氣十足：「我嚟自一個叫ghetto Rosengard嘅貧民窟，但靠自己努力征服咗瑞典，令佢成為咗我嘅國家。我要向瑞典人民致謝，冇你哋我就冇辦法實現夢想，你哋永遠會存在喺我黃色加藍色嘅心裏面，我愛你哋。」