夏天最啱食藍莓同士多啤梨，雪凍食酸酸甜甜尤其正！但這些莓類水果好易變壞，點樣可以保存更耐呢？原來加鹽加醋就得！
藍莓（或紅莓等細小莓類）：
1.先用水喉水沖洗；
2.在盆中加入1杯醋和3杯水浸泡藍莓三分鐘，因為醋有效殺菌；
3.用水沖洗乾淨，去除醋的酸味；
4.在筲箕鋪上三層廚房紙，輕輕搖走藍莓水份，再等它們徹底乾透，因為藍莓表面有水
份都很易變壞；
5.保鮮盒亦同樣放一至兩層廚房紙，將藍莓平鋪放入，以免它們互相壓爛，蓋子不用密封讓藍莓通風，就可整盒放入雪櫃水果格。
士多啤梨：
1.先用水喉水仔細沖洗士多啤梨，最好用手輕揉每粒表面；
2.開一盆水加少許鹽拌勻，放士多啤梨進去浸泡，鹽可令士多啤梨表面昆蟲浮出來；期間不斷用手攪拌讓水保持流動，沖走士多啤梨表面的污垢；
3.在桌面鋪廚房紙或乾布，放士多啤梨在上面晾至完全乾透；
4.放入已墊廚房紙的保鮮盒，再放進雪櫃水果格便可。
其實水果還可以在沖洗後以滾水浸泡15至30秒，因為滾水可以殺死水果表面細菌，但千祈唔好浸得太久，因為莓類皮薄，會被煮熟或變得非常軟身，不能保存。另外士多啤梨不要一開始就泡水，因為農藥容易滲到果肉，尤其不要拔掉葉和蒂，因為清洗時污垢都可能從士多啤梨「傷口」走進果肉！
平日的莓類都只可放兩至三日，但經處理過的就可放起碼一星期了！
記者：容慧心
攝影：劉志永、黃子偉
想輕輕鬆鬆健康?，記住留意健康蘋台
http://health.appledaily.com.hk/