【本報訊】好運店的小食，以售價廉宜著稱。不少趁其結業前來光顧的食客稱，以往在附近放學，必定來購買6元一塊的薯餅醫肚，「唔知點解炸得好脆，好食過麥當勞多多聲。」打工仔最愛的午餐之選牛丸麵，亦只售20元。
平嘢未必冇好，老闆兒子阿文指，父母製作食物非常用心。每日下午5時關門後，就在店內趕製翌日出售的牛腩、豬手，「佢哋話一定要醃過夜先入味」，故牛腩質感鬆化、不會黐牙；豬手亦非常入味。
阿文笑稱，為慶祝父母退休，早前特地訂製易拉架、橫額掛店外，讓幫襯多年的熟客寫下祝福語，至今已寫滿兩塊易拉架；其弟更在fb成立專頁，讓熟客互相聯誼。後日結業當天，將會舉辦小派對，為街坊留下最美回憶。
■記者廖梓霖