鄭秀文（Sammi）在蛻變，從以前愛自創英語如Christmas樹上面個Bell、Dog Dog Team（Paparazzi狗仔隊）的自我，到有了信仰、多了一份對上帝的虔誠，搖身變成了許志安太太之後，她多了一份推己及人和愛屋及烏的心，學懂如何去經營一個家，變得不再任性。而她開騷亦會不錫身演出，只要安仔在後台支持她便可以。
撰文：王連連
鄭秀文是紅館舉行演唱會場數最多的女歌手，已開81場，而Mi系列世界巡唱（包括Show Mi、Love Mi和Touch Mi）更達82場。每次開騷Sammi都瞓身演唱，一口氣唱快歌差不多半小時，加上跳舞及吊高或躍下的舞台效果，需大量體力。
開個唱唔錫身
Sammi將於9月舉行《Touch Mi 2》演唱會，歌衫和化妝都是全新，歌單及舞台也會調整，但她自言不變的是瞓身演出，沒有因為已為人妻而不同，她日前接受本報記者專訪時說：「唔會因為身份令心態唔同咗，身唔係用嚟錫，對我嚟講係愛嚟用，佢（安仔）唔會限制，太清楚我個性，出世嗰日我就係咁嘅人，一世都改唔到。」
多了一個許太身份，Sammi提醒自己家庭同樣重要，要分配時間經營家庭：「雖然我冇小朋友，但要分配時間經營一個家庭。最近我同安仔討論一個議題，嗰時拎起背囊同朋友去印度，參觀慈善中心，周街行周街食，𠵱家傾開，佢會擔心，以前會任性，𠵱家會考慮呢啲，因為佢嘅憂慮而唔好去旅行，唔好咁任性拎起背囊就行。」
安仔眼神慰藉
每次開騷安仔都會在後台支持，簡單一個眼神也會給Sammi力量，Sammi說：「佢喺我身邊唔使做好多嘢，一個眼神、傾吓偈，畀我抒發感受已足夠。好多時喺後台，一齊祈禱係必做嘅事。」
在Mi系列的演唱會，Sammi都刻意加入鼓勵精神，加上近來香港面對壓力甚多，她希望入場觀眾能釋放，她說：「其實演唱會冇乜大條道理，我又未必會懂，只想睇我演出嘅朋友，能得一啲positive能量帶返屋企。」
場地提供：Hotel ICON
化妝：Ricky Lau from Zing Make Up School
髮型：Billy Choi from Hair Culture
服裝：Versace
形象：Tang Lai