九龍灣迷你倉大火焚燒多日都未救熄，前線的消防員日以繼夜與火搏鬥，不少娛樂圈的朋友亦在社交網絡向前線消防人員致敬。
其中曾參演港台劇集《火速救兵》嘅周家怡就係instagram留言：「上次拍完港台嘅火速救兵，黎處長(黎文軒)同我哋食咗餐飯，食飯當晚，佢講咗好多以往在火場嘅親身經歷，記得當時佢講，喺火場時作每一個決定都好重要，因為嗰班係佢嘅手足，佢講時眼濕濕，亦講咗好多喺火場裡見到嘅嘢俾我哋聽，我聽時都感到佢哋一定經歷咗好多，尤其係嗰份兄弟情，我都聽到眼濕濕！」
周家怡再說：「所以我覺得就算邊個都有機會做錯決定，尤其喺咁嘅環境下，而最痛嘅唔止死者嘅家人，做錯決定嘅都會好內疚、好後悔！接二連三嘅壞消息，已令佢哋好難過！作為局外人，只能聽，只能比鼓勵，因為一切都太難掌握，而兄弟情，只有佢哋真正出生入死過先知！我哋嘅批評同問責比佢哋太大壓力，相信若要問責，只有佢哋自己消防員先有權講！望場火快點熄滅，大家齊齊整整返局！各位消防員，向你們致敬！」
而同樣有份參演《火速救兵》嘅王宗堯亦喺facebook說：「記得在火速救兵3慶功同首但同時佢亦都知道消防隊嘅播嘅時候見過黎sir，佢同手足嘅感覺好似一家人咁。我相信佢做嘅每一個決定都係將自己擺落去佢地嘅角度去諗，職責係保障市民嘅生命同財產出發。黎sir，香港人同你一樣，都很痛惜兩位消防員嘅犠牲。保重。香港消防員， 加油。」