曼聯下季進入摩連奴新王朝，舊臣子傑斯睇怕冇份成為其中一分子。效力曼聯29年嘅傑斯，下星期會當面同摩連奴講要走人。摩帥上任，冇打算畀傑斯繼續做副手，將佢調去負責曼聯青年軍，傑斯梗係唔受啦，出去撈份英冠甚至英甲主帥好過。呢邊廂摩連奴仲係度緊假，但都好勤力咁每日放相上自己個社交網站（圖），佢喺下星期亦會返去卡寧頓，為轉會同季前集訓做準備。