24歲肯雅中場雲耶馬（圖）周四從修咸頓以1,100萬鎊（約1.17億港元）轉投熱刺兼簽約五年，成為熱刺喺2016/17球季第一個收購。修咸頓喺2013年七月用1,250萬鎊喺些路迪簽雲耶馬，不過喺2017年夏天就約滿嘅雲耶馬唔肯續約，家陣蝕少少賣走都算賺咗。上季幫修咸頓攞英超第六名嘅雲耶馬話：「我會將喺修咸頓效力嘅日子長留心裏。」其實雲耶馬上季就想過檔熱刺，跟喺修咸頓合作過嘅普捷天奴搵食，𠵱家終於得償所願。