相信每位女生都想望落又高又瘦，除了着落唔覺又可以好好隱藏的增高鞋墊，仲可以一試今夏流行的開衩半截裙（Slit Skirt），好多人都會第一時間聯想到踏紅地毯或參加宴會的高貴形象，不過今季就興踏實一點的設計，少見雪紡及薄紗等輕盈物料，反而流行牛仔布、棉質甚至尼龍等較挺身布料，長度縮短至膝蓋位置，露出小腿有助拉長身形比例，上身簡單襯件T恤、涼鞋或波鞋就夠自然。假如怕羞不想露小腿，可選高腰款式的開衩長裙，便可隱藏亞洲人身形較矮小的缺點，casual得來造型也更淑女feel，其他用不同層次物料拼湊的設計，亦可增加造型層次，其實開衩裙都唔係好蝦人着。
記者：畢慧婷
