「果迷」注意嘞！蘋果公司Apple Store官網宣佈，沙田新城市廣場4樓嘅分店下周四（30日）開幕嘞，呢間除咗係蘋果店喺香港第5間分店，亦係首間新界分店。當日上午10點開幕後，日後營業時間為周一至日朝十晚十。八方噚日到場視察，發現4樓原屬馬莎百貨嘅舖位被印有蘋果公司標誌嘅圍板圍封，似乎仲進行緊工程！
早前有傳沙田分店佔地不只一層，更有人指分店位置對上嘅5樓平台亦正進行「不明工程」（圖），估計或同蘋果有關，亦有人話沙田分店會重現蘋果喺世界各地都曾出現過嘅玻璃屋設計。記者上平台贒贒，發現工程範圍蓋上白色膠布，從空隙之間睇到工地範圍並冇打通到樓下。圍板寫住「改善工程」，預計6月中完工，似乎有啲延誤。