烏克蘭喺今屆歐國盃做咗三「零」部隊，三場全敗兼冇入波，仲成為今屆首支出局球隊，教練科文高亦唔好意思留低，講明唔會續約，喺歐國盃後離隊。據外國傳媒講，烏國足協諗住畀「核彈頭」舒夫真高坐正，等呢位烏國史上最強球員領軍。39歲嘅舒夫真高退役後曾經從政，拒絕過烏國足協嘅邀請一次，但家陣又返番球壇，喺歐國盃做烏克蘭助教，相信今次應該唔會再拒絕嘞。雖然烏克蘭向來實力麻麻，但喺舒夫真高既球員時代，佢曾經帶領國家隊打入2006年世盃八強。