【本報訊】迷你倉大火由3樓不斷向上蔓延，消防救火期間只得步步為營，大部份時間透過防衞式策略灌救，打爛玻璃窗散熱並射水降溫，把火勢控制在一定樓層。由於火場面積大，且內裏間格錯綜複雜，單是火場3樓已有200多個上鎖倉，通道狹窄，消防員恍如置身煉獄迷宮中，救火進度受阻，火勢更由3樓向上蔓延至4樓。消防員昨日一直集中在3樓和4樓開喉灌救，其間進入4樓拆走迷你倉鐵皮，又分別打爛玻璃窗，並向5樓射水，成功防止火勢繼續蔓延至5樓。
昨晨11時半，現場濃煙似稍為減退，多名消防員在3樓調查。消防員繼續動用4條鋼梯，集中向2樓及3樓射水灌救。3樓外牆的柱身，裂紋清晰可見，消防員用繩綁在外牆柱位之間。
射水只能覆蓋外圍
但現場消息指，「迷你倉中心火源根本冇熄過」，有消防員不諱言：「出面水射唔到，只cover（覆蓋）到外圍，入面啲煙又散唔到出嚟，熱到我哋都攻唔入」。有前線人員形容現場煙味「唔係正常火警陣味」，懷疑「三行佬租嚟放雪種呀、天拿水呀咁……平吖嘛」，更指「最毒係2號梯，戴咗N95都要咳住走」。另外，現場極度炎熱，消防處昨運來多台風扇供消防員解暑。
■記者黎志偉、潘志能