英國男星湯赫度斯頓（Tom Hiddleston）變成美國小天后Taylor Swift最新任男友前，阿湯係「邪神洛基」同埋最有潛力成為新一任占士邦嘅型男，係唔少女性嘅夢中情人。不過原來現年35歲嘅阿湯係型男十八變，睇番佢以前啲相都幾薯嘜！
阿湯被舊朋友「出賣」佢喺英國著名學府伊頓公學（Eton College）嘅學生相，一頭曲髮嘅佢性格比較內向，唔係好識交際，係一個宅男，而且係媾唔到女。朋友話佢讀書好勤力，最反叛嘅事就係特登留長頭髮，最後俾老師捉。朋友亦彈佢當年着衫配搭好奇怪，唔係型人一族。
不過阿湯現已搖身一變成為型男，仲有個又靚女又成功嘅女朋友，世事真係估佢唔到。