韓劇《Doctors》女星朴信惠一直以有啲肉地見稱，不過近來就突然暴瘦，有粉絲就認為佢變晒樣，冇咗baby fat嘅雙頰令佢嘅眼袋更加明顯，而且臉部肌肉有啲鬆弛，充滿老態，大嘆女神跌watt。不過朴信惠日前就強調自己冇刻意減肥，又話只係冇咗啲baby fat，體重不變。其實早前已有節目公開朴信惠減肥秘方，透露佢晚上6點之後就禁止進食，一日只食兩餐，每星期運動2至3次，主要係踩單車同跳舞，而容易水腫嘅佢平時最愛飲紅豆水同南瓜水。