發展商做埋銀行個份，向客仔提供超高按揭，金管局愛理又無權理，這時買家到底都是看不通樓市高低，就貿然入局，好易變負資產一族。
最近多間發展商提供接近九成按揭，但未如去年紅磡劏房之城收到預期反應，主要今年推出多個均以換樓客為主的大型新盤，若果手上冇米就好難換樓，形勢不同年前以上車盤為主，因好多人想快點上車做業主，手持少少現金再透過高按便可買到人生第一層樓，呢幾年消化了大批年輕客，最近有點莫氣，加上加息押後（有傳今年或只加一次息），預期樓市冇咁快再跌，尤其是班手上仍有貨的大孖沙，便以自己的高按追趕時間，趁下一次樓市調整期前快點套現，以高按來鎖定回籠資金。
鑒於大家都不願大減價容易對樓市造成錯誤訊息，反而不減價都有樓售出，但為製造更多市場話題，令到一班已信樓市回暖的邊緣客回歸樓市，但以咩方法令到他們回心轉意，借錢畀你買樓，畀首期5%買新樓仲有兩成半過渡期貸款，看似好筍，使市場再重新關心樓市，「百次謊言變真理」，一眾跌眼鏡的分析員又對超高按揭指指點點，連金管局也出聲提醒買家，製造輿論和正反聲音。
金管局這種愛理又無力理的行徑，似乎無視買家隨時陪葬的可能，因三年後回復高息，樓市掉頭回落的時候首期5%便化為烏有。
劉兆昌
資深地產傳媒人
http://www.HKLau.com
本欄逢周五刊出