【ViuTV發圍】王喜疑遭內地封殺，他決定用自己方式生存，自資製作三點式沙灘遊戲節目《喜樂無窮．塞班島》，並將版權售予ViuTV及星馬等地方。王喜昨日邀請陳志雲、陶傑到觀塘擔任評判團，大合照時，王喜笑說：「5年嚟第一次喺法庭外地方合照。」
對談水槍射身
原定11位參加者，最後只有9位現身，講明是三點式旅遊節目，一眾參加者自然要穿泳裝與評判對談，離開前還要被水槍射身，看看是否玩得，最後只有五位可以留低，並將於7月出發往塞班島。參賽者質素參差，曾參加過無綫《超級巨聲》的「暗黑小公主」梁浩婷最肥嘟嘟，寒背凸腩，兼疑似露下體毛，認真不小心；鍾沛麗就有點女生男相，疑似整容，而且牙齒黃、皮膚差有點趕客。而曾經參加過《喜愛夜蒲》的李慧玲就真人差過上鏡。當中以蔡佩賢和羅苑姍較為省鏡，均擁有古銅肌膚及豐滿身材。
王喜表示有200多位參賽者，一定要19歲以上、沒紋身及沒刑事案底，他解釋：「因為係賣埠，怕出入境有問題。」他透露已封蝕本門，並計劃添食，他說：「我哋會設計一啲遊戲盡量發揮三點式嘅特質，第二季諗住搵男仔玩，第三季會男女混合玩。」問王喜可會出鏡？他笑說：「我已過咗暴露身體嘅年代嘞，但如果大家叫到，或者到時我客串着T-back行個圈畀大家睇。」
陳志雲揀女很有心得，他謂：「唔係一定要靚到揼一聲，最重要有親和力同觀眾緣。身材見仁見智，整容某程度上亦可提升個人自信。」
志雲講曾醒明
有傳無綫企業傳訊部宣傳科副總監曾醒明因被視為志雲黨羽，無奈「被退休」，志雲說：「曾生做嘢永冇托手踭，每次重大事都唔會匿埋……但每間公司有自己決策，我身不在其位，不便評論，但好可惜。」對杜之克、余詠珊等升職，志雲則說：「我咁睇，當係一個進步啦，我年代最多得三位，可能現業務廣泛咗，升多啲人個個開心快樂囉。」
採訪﹕卓寶花
攝影﹕陳志嵐