唔少女仔為咗靚，真係可以去到好盡。喺《星戰》第7集《星球大戰：原力覺醒》（Star Wars：The Force Awakens）中扮演女主角英國女星黛絲烈尼（Daisy Ridley）話自己一向都有皮膚問題，所以佢都出盡辦法咩都試去護膚。
黛絲日前於instagram表示自己貪靚貪出事，見佢喺塊面上塗滿黃色粉狀物體，原來佢係喺google搜查「DIY護膚秘方」，跟住做就搞到成臉都係黃色。黛絲話黃色粉狀似乎有染色可能，因為佢手指已經被染成黃色，所以佢塊臉隨時變真正嘅黃臉婆！
黛絲仲笑住講：「我第二日要拍戲，唔係拍《迷你兵團2》而係拍《星戰8》!」黛絲話會再報告俾大家知究竟佢塊臉都會成點，但係事隔四日都未有update，好令人擔心！