之前三連敗嘅浦和紅鑽（紅衫）終於反底。佢哋周三喺主場同FC東京進行日職首階段聯賽嘅補賽，開波只係踢咗31分鐘，佢哋就俾穆里奇同埋橋本拳人攻入，而落後0:2；不過喺換邊後，紅鑽作出絕地反擊，13分鐘內連入三球。中堅槙野智章先後喺66同埋72分鐘建功，令佢哋得以追成2:2。之後李忠成喺78分鐘入波，最終紅鑽戲劇性咁反勝3:2，兼結束聯賽五場不勝走勢。雖則佢哋贏波，但仲少榜首嘅鹿島鹿角六分，家陣得番一場比賽，換言之肯定冇機會成為首階段盟主。