中國U22代表隊（紅衫）爭里約奧運資格失敗，都要為未來部署，包括17年U22亞錦賽外圍賽，中國足協𠵱家就開始招募新教練，原本以為呢輪人民幣力量咁勁，要請名帥唔難，不過足協就列出多項條件，其中一項就係要中國籍。其實中超唔少外籍教練都教得好好，好似艾歷臣、史高拉利等，都叫令中國球壇有新氣象，國足年輕一代更加要擴闊視野，學多啲海外技術同練習方法，但足協堅持要用自己人，要進步就真係好難。