35歲唐詩詠一向公認係圈中乖乖女，即使前度崔建邦多次偷食，唐詩詠仍然對佢不離不棄，網上流傳一篇《有一種女朋友叫唐詩詠》嘅潮文讚佢長情同堅定，最終唐詩詠情歸32歲洪永城。
佢哋拍拖以嚟，都大方公開戀情，人前恩愛，不過早前有傳洪永城翻兜前女友Bird，又話佢趁唐詩詠出差，就約埋Bird出席朋友聚會，二人成程黐得好埋，Bird更叫洪永城做「寶寶」，喺網上po出二人合照，寫道「我要嫁畀你」，結果傳到去唐詩詠度，搞到唐詩詠好嬲，日前仲被影到唐詩詠喺街頭黑面唔睬洪永城，點知洪永城兩日即o氹掂女友，事後洪永城仲貼出合照，留言「黐線，我哋不知幾好」不過昨日有周刊爆，洪永城咁快o氹番唐詩詠，疑有人同女友講，Bird同鍾舒漫胞妹舒祺係一對，屈Bird係同性戀，據知因為唐詩詠向身邊朋友講呢件事先爆出有人講大話，周刊都問過Bird，佢就話自己同洪永城係朋友，講嫁畀對方只係隨意抒發，不過佢就否認同舒祺係一對，直言係無中生有，又有指雖然洪永城未諗結婚，之但係佢已經o氹埋女友一齊住，最近佢哋都去睇樓築愛巢!?