【本報訊】高級消防隊長張耀升不幸殉職悲劇，觸痛全港，但有人渾水摸魚，自稱是時昌迷你倉苦主及張的朋友，為死者搞籌款，亦有區議員在火場外拍照，被質疑抽水博宣傳。昨晚慘劇發生後，有人在fb發帖募捐，聲稱是起火3樓的時昌迷你倉苦主，數萬元樂高（LEGO）積木付之一炬，但聲稱「冇晒唔緊要」，只盼網民捐錢幫助張的家人，並提供匯豐銀行戶口，他自稱認識殉職的高級消防隊長，卻將死者名字寫成張耀星。
連朋友名字也寫錯隨即惹網民懷疑，死者表姐於fb回應指摘「呃錢行遠啲！」有網民報警；其後有人把帖文刪除，公開認錯「大家希望原諒我」。警方指已接獲相關報案，案件列求警調查，交由網絡安全及科技罪案調查科跟進。
民建聯區議員跨區抽水
另民建聯區議員張琪騰、柯創盛、歐陽均諾及張姚彬，並非該選區區議員，前日下午卻到場於馬路合照，被網民質疑阻礙救援及博宣傳，張姚彬事後在fb反駁「影相向市民匯報好正常」、「相信有睇我哋fb嘅居民也會關心當時的情況！」對此，民建聯立法會議員陳鑑林回應稱，區議員到場關心是應該的，影相亦非出奇事，不應當壞事看。不過，有前線消防員大表不滿，「佢哋唔單止阻礙救火，而且今次有消防人員殉職，係不幸事件，但佢哋好似做show咁，好唔尊重喺前線搏命救火嘅消防員」。
■記者張珮琪