「紅籌之父」梁伯韜、瑞信亞洲區首席經濟學分析師陶冬，兩位都同內地淵源甚深，不約而同都對國策有話兒，批死香港小企業好難受惠一帶一路。
梁伯韜噚日出席安永企業家獎啟動禮午餐會，講到一帶一路就滔滔不絕，佢指，去新興國家搞基建，好明顯係政府帶頭、大國企先有資源做，怕承受風險嘅香港小企業好難直接受惠，直情唔知咁做係咪啱。
講到內地經濟轉型，由製造業轉到消費型經濟，同場嘅陶冬講到興起，仲風趣舉個例指，中國人環球爆買，其中最鍾意飛去日本，抬中國製造嘅廁所板返屋企。但佢預言「不出幾年，中國就可以生產可靠嘅廁所板」。
點解陶冬對made in China廁所板咁有信心？事關中國製電話已經打低Samsung……同埋另一間大美國公司喎。