華將吳嘉晉季內只贏了六場頭馬，平均一個月贏不到一場，但計及策騎費及賽事獎金，吳嘉晉每個月收入都有約10萬元，加上嘉晉仔才26歲好年輕，難怪他堅持騎下去。
今期(22日)快活谷夜賽，嘉晉仔有機會取得他季內第七Win，雖然佢全晚只騎「心中有善」、「開心駿馬」兩駒，但其中第8場三班1650米的「開心駿馬」公認有實力，嘉晉仔騎過4次得1冠1亞1季，唯一一次落第，係排11檔太差，但結果都輸唔遠，可見人馬合拍。今次3檔當然係好機會。
嘉晉仔明知自己實力座騎唔多，所以亦咬實「開心駿馬」唔放，今朝就親自替此駒往內圈加課，亦係馬兒本月初拼後，嘉晉仔第11度為佢操練，咁神心唔通陣上唔搏咩？況且嘉晉仔嘅馬熱極有限，大有追捧價值。