喺星期日歐國盃，瑞士對法國場波入面，瑞士四個球員加埋爛咗五件波衫，其中格列沙加一場爛兩件，賽後梳頓沙基利仲寸波衫贊助商豹牌，話希望豹牌唔好出domdom喎！豹牌都知道大鑊，立刻徹查，喺禮拜一下晝出聲明道歉。豹牌話係一款紗線原料喺製造過程中損毀，而呢啲受損原料咁啱用嚟製造咗少量嘅瑞士波衫。豹牌話已經查過晒所有波衫，保證同類嘅事唔會再發生。另外，豹牌話今屆歐國盃所有豹牌波衫都喺土耳其度造。