「黑帝」咸姆頓雖然喺周日F1歐洲站只得第五名，不過有拖拍，心情依然勁靚。英國傳媒報道，呢位31歲英國車手向外界證實同匈牙利模特兒柏雲拍拖，仲會齊齊去巴黎時裝周。講開柏雲，呢個22歲靚女之前嘅男朋友都好有來頭，包括1D成員Niall Horan同埋加拿大小天王Justin Bieber。知情人士表示：「柏雲同咸姆頓喺康城做嘢時認識，之後火速撻着，幾乎日日一齊去玩。」