【男女恩物】質地細緻又吸水 護墊可以咁樣用？
近日好多媒體都做社會實驗，叫男人試用衞生巾甚至模擬經期，等男人感受吓女人每個月不適嗰幾日係點，經過呢啲試驗之後，大家都應該對衞生巾有所認識，不過衞生巾個friend護墊就未必人人知有乜用喇。其實護墊係俾女士平日用嚟接收陰道分泌物或月經初期量少時使用，不過好多絲打都唔只用佢嚟發揮呢啲基本用途，網民搵到好多其他用法，真係極具創意！
記者：容慧心
去指甲油──平時想抹去指甲油，用十幾粒棉花或化妝棉都未能抹淨，護墊其實是很好的鎖水海綿，貼在手上倒上去甲油水，一抹，大部份甲油已去掉，懶起來一排指甲一起抹亦得，效果仲唔錯。
乳貼──唔係成日着低胸裝的話，應該都好少會買乳貼，但夏天穿薄tee就算穿了胸圍也容易透點，剪出護墊圓的兩邊，貼在衣服或胸圍內（貼紙一邊向衣物啊！），亦有乳貼的效果。
鞋墊──衞生巾吸力強又有除臭效果，好多男軍人話用來吸腳汗一流，OL就應該沒有這樣大問題，不過高跟鞋一樣頂趾刮腳，用護墊來墊鞋不會跣腳，夏天唔着絲襪亦唔會啜腳。
腋下吸汗貼──夏天好多時腋下都會濕了一片，撕兩片護墊貼在衣服腋窩位，就可以有效吸汗，避免尷尬和衣服變黃。
化妝cushion+卸妝棉──護墊表面質地其實好細緻，搽完粉底液，用護墊包着手指在面上輕拍，粉底便會薄薄地推開，又可以直接按乾粉或胭脂粉餅，輕拍在面上，效果自然拍得上cushion㖭呀！化得自然卸得，倒些卸妝水到護墊上可輕易抹去妝容。咁玩法，去旅行帶多兩塊護墊，真係連化妝掃都可以唔使帶！
女士平日都會用衞生護墊，不過好多絲打都唔止用佢發揮基本用途，網上搵到好多其他用法，真係極具創意！