睇嚟歐霸盃之王艾馬利就嚟去教巴黎聖日耳門（PSG）嘞！現任PSG教頭白蘭斯嘅經理人透露，白蘭斯將會離開呢支執教咗三季嘅法甲班霸；據報PSG呢次要賠2,000萬歐元（約1.8億港元）畀白蘭斯。雖然PSG一直稱霸法甲，但喺歐聯冇乜進步，想改變吓都好合理！不過，前西維爾教練艾馬利係咪個合適人選呢？艾馬利係歐霸盃史上最成功嘅教練，最近幫西維爾連贏三屆歐霸盃，其中上屆最傳奇，佢哋歐聯分組賽得第三名，落番去踢歐霸盃照贏冠軍。