0依家好多人都鍾意上網社交平台同人溝通，大台上位小生「Signal王」王浩信都唔例外，閒時佢最愛喺微博、ig同fb呢啲地方，post吓佢操肌、靚老婆陳自瑤(YoYo)同埋囡囡啲相。
之不過Signal都會有故障嘅時候，Signal王喺微博嘅頭像相突然唔同咗，由原來嘅chok爆靚仔相，突然間變咗一張肥仔相，同時間仲有好多減肥廣告相兼留言。
真係大陸奇人奇事咩都有，「騎劫」人哋認證咗嘅帳戶出廣告……
Signal王喺昨日凌晨即刻ig留言話微博俾人盜用，不過已經俾佢修正咗，換番張靚仔相，佢仲問大家點會發生呢啲事？唔少網民留言話佢哋覺得好奇怪，無端端會轉咗呢張走晒樣嘅相，搞到好多人即刻取消關注。
不過0依家知道呢個情況後，網民叫Signal王改番個密碼，仲叫佢連fb、ig都要全部改晒，好彩今次只係盜用微博，如果係其他嘢就大件事！
就王浩信微博被盜用，佢昨日回覆《蘋果》，佢話：「我覺得幾過份，咁容易account畀人盜用，我哋係驗證咗用戶，我覺得需要多啲保障，所以今日keep住發微博，呼籲啲friend小心啲，密碼上要謹慎啲去處理。」