英國將於周四，就是否留在歐盟進行公投。「脫歐派」原本於民調中大幅領先，惟上周突然有「留歐派」議員，離奇遭到有精神病紀錄人士用槍（英國槍械管制遠較美國嚴格）刺殺，導致形勢大逆轉。最新民調顯示，留歐派支持度高過脫歐派數個百分點，留歐派暫仍領先。
若英國最後選擇繼續留在歐盟，「賭」英國離歐投資者（如購入負利率國債）即是「輸晒」？有基金界朋友表示，脫歐派會「輸晒」想法，未免將整件事及後果想得太簡單。他說：「若果英國繼續留歐，脫歐派投資者輸，當然係必然結局，但賭留歐嘅投資者，好似買重咗英鎊嗰啲，一樣輸，開圍骰，通殺。」
朋友續說：「連精神病槍手都出埋，可想而知，呢個脫歐賭局背後兩股勢力爭得幾激烈……兩邊都唔輸得結果係點？美國財政懸崖問題嗰陣都見過，無論係股市同滙市，喺揭盅後短時間內會兩邊勁升同勁跌，好友同淡友殺晒，今次應該都唔例外，或者咁講，同美國嗰次比，今次震盪好可能仲勁啲哩。」
連1992年狙擊英鎊、迫使英國脫離歐羅貨幣機制的索羅斯，最後關頭也出來為留歐站台，事件的複雜程度，可能已遠超原本所想，小心。
密西比