金像大導與佔中死士，兩個人，風馬牛不相及卻識於微時，陪伴度過人生春秋。說這話的是《踏血尋梅》港產導演翁子光。那些年他是混沌中學生，巧遇初出茅廬熱血社工，由代養流浪小街貓到義借5,000元，兩個麻甩佬，情義兩心知。
《踏血尋梅》前歷人生低谷
「佢唔係邀請我嚟，係命令我嚟。」翁子光坐在茶記打趣說。9月立法會選舉陷混戰，功能組別一樣激烈，單是社福界已有3名泛民擬參選，包括公民黨曾健超及社總會長葉建忠，浸大社工系講師邵家臻亦積極部署。訪問當天他早上在天水圍洗樓，晚上在茶記與翁子光對談，準備將短片放專頁造勢。
「2011年，係我人生最低谷。」那一年，在影圈磨刀多年的翁子光寫好《踏血尋梅》劇本，有片商招手，演員亦埋班，卻臨門撤資。別人看到鎂光燈下橫掃七個金像大獎的風光，邵家臻看到的卻是老友黎明前人生最黑暗一刻。「真係冇錢，SMS問佢（邵）借5,000蚊，相約喺荃灣路德圍（茶記）見面。」
翁子光記得自己早到，靜坐等候，「佢一坐埋嚟，二話不說，就將預先摺好嗰5,000蚊，放入我個恤衫袋，輕輕拍咗我個膊頭一下。」兩個男人盡在不言中。「嗰時係好艱難，等到劇本攞到獎金，先逐少還到錢畀佢，相隔差唔多一年。」感激之情溢於言表，坐在一旁的邵家臻反而有點不好意思，忙不及解畫。
「唔係真係有需要，佢唔會開口，嗰時有幾個人幫佢手做嘢，你自己唔要，都要出糧畀人。」1995年認識，當年的翁子光是個愛寫作的理想少年。「我喺荃灣青協做社工，佢讀中三，成日嚟玩。」翁記得有次在街執了一對剛出世的街貓，送到青協，中心內無人願理，只有這個肥仔社工伸出援手，帶返家暫時照顧，結果一養18年。「佢喺我心中，係真正嘅非常社工。」
■記者呂麗嬋