Lenovo「樂檬」系列手機向來以平價作招徠，新推出的大樂檬Note 2、大樂檬Note 2 Lite及樂檬3 A6020都唔例外，開價同樣只是千餘元。大樂檬Note 2同Note 2 Lite外觀相同，保留番上代大樂檬Note的5.5吋1080p屏幕、支援到Dolby Atmos音效，但會配上MediaTek Helio P10 1.8GHz八核處理器、3GB RAM、16GB內存、Android 5.1系統及3,500mAh電池，以平價機來說，規格已算唔錯。
Note 2同Note 2 Lite當然都有一定分別，較高價位的Note 2特別之處是換上金屬機身，兼且在機背加入指紋認證功能，一掃解鎖兼可認證流動支付平台。至於配備5吋720P屏幕的樂檬3相比上代變化唔大，只是處理器升級成Qualcomm Snapdragon 1.2GHz八核處理器及Android 5.1，但好在定價反而比半年前推出的樂檬2更低。比較可惜是三款新機都唔再用上鮮黃色機身，而改為香檳金及銀色兩款選擇，唔夠搶眼囉！
記者：布偉倫
