【本報訊】無綫電視前晚播出節目《沒有起跑線？》，有母親稱要「贏在射精前」，計好嬰兒出生日成「大仔」，為子女鋪路入名校，惹網民口誅筆伐。事件主角Irene昨回應稱受訪是想作反面教材帶出社會現象。有升學專家指「大仔」讀書佳無實證，憂節目製造恐慌。通訊局昨共收到3宗投訴，涉用字粗鄙、內容偏頗及譁眾取寵。
受訪媽媽稱做反面教材
《沒有起跑線？》由無綫綜藝科製作，編導岑應曾策劃《盛女愛作戰》等受爭議節目。日前首集節目中，屯門媽媽Irene大爆金句，稱夫妻性行為前應計算懷孕時間，「贏在射精前」，確保子女在1月出生成為「大仔」以入讀名幼稚園。節目惹網民熱議，不少人批評節目灌輸扭曲價值觀。
Irene昨接受《蘋果》電話訪問指，幕前的怪獸行為是想以反面教材帶出社會現象，「如果有足夠學位，我哋落街就可為子女報學校，小朋友有學返，就唔會咁緊張」，但承認自己作為父母有進步空間。
資深選校專家趙榮德稱，以9月1日開學計，坊間普遍將1月出生的幼童稱為「大仔」，因他們比9月或以後出生兒童大8個月以上，發育較早，讀書或有優勢，但強調無研究佐證。他批評節目有製造恐慌之嫌，「個個都爭住報名校，學校有得揀梗係揀大仔」。趙又指香港有逾700間幼稚園通過教育局質素評核，毋須搶入名校，「讀得開心先有興趣，讀書自然唔會辛苦」。
幼兒教育人員協會主席周慧珍亦說「接受唔到」，認為家長不應以這樣的心態迎接新生命。她指就算讀書表現不出眾，只要發掘其他才能，未來一樣可成功，「最重要係家長點樣培育」。
■記者佘錦洪、王麗春
【識睇睇留言】
Kimmie Ng：
我明點解咁多小朋友自殺，黐線這班媽媽，有病！
Tammy Chu：
完全係nonsense，BB唔係用嚟打仗！唔該班怪獸射精前諗清楚生出嚟係為乜！簡直不知所謂！
San San：
生出來係為自己攞威，發神經。
James C C Tse：
點解唔贏在投胎前？生得喺你個肚已經輸咗。
Hei Ng：
父母嘅身教同品格至係重點！
資料來源：《蘋果》facebook