NBA總決賽魅力非凡，就連美國總統奧巴馬都着迷！喺禮拜日晚，奧巴馬成家喺國家公園度完假，搭空軍一號返屋企，但係架機到埗後，點解都冇人落機嘅，唔通有恐怖分子？唔係，而係奧巴馬喺機上睇緊NBA總決賽，唔想錯失比賽嘅任何一刻，所以唔捨得落機。直至見到騎士贏波完場，佢哋一家人先出嚟。有記者大聲問奧巴馬點睇呢場總決賽嘅結果，佢只係笑笑口咁行過，冇回應問題。